UX Luxury

Skjá í miðju er stýrt með snertiborði eða raddskipunum. Viðmót snertiborðsins er áþekkt viðmóti snjallsíma, með aðgerðum á borð við að pikka tvisvar og strjúka til hliðar.

Hægt er að uppfæra nýjustu kortin með þrívíddarmyndefni og fjölmörgum kortavalkostum eins og leit að kennileitum, með aðstoð „Over The Air“-tækni. Til að gera akstursupplifunina enn meira spennandi er margs konar nettengd þjónusta í boði, svo sem umferðarupplýsingar, leit að bílastæði, veðurspá, Google-leit eða Google Street View.

PCS-árekstrarviðvörunarkerfið greinir önnur ökutæki og gangandi vegfarendur framundan og varar ökumann við ef mikil hætta þykir á árekstri svo hann geti forðast hættuna. Ef ökumaðurinn nær ekki að bregðast tímanlega við beitir kerfið hemlum og stýriseftirliti til að draga úr áhrifum höggsins.

LDA-kerfið hjálpar þér að halda bílnum á réttu akreininni með því að titra svolítið þegar bíllinn byrjar að rása og senda svo lágar hljóð- og ljósaviðvaranir til að koma þér blíðlega aftur á réttu brautina.

Nú þarf ekki lengur að takmarka útsýnið við sjónsvið ökumannsins. Blindsvæðisskynjarinn lætur ökumenn vita af öllum hindrunum sem eru hugsanlega ekki sýnilegar í baksýnisspeglum svo þeir hafi fulla yfirsýn yfir rýmið umhverfis bílinn og geti stýrt honum af fyllsta öryggi.

Stillanlega háljósakerfið er viðbót við sjálfvirka háljósakerfið og notar myndavél sem staðsett er ofan á ökutækinu til að greina önnur ökutæki framundan og hámarka sjálfkrafa ljósdreifingu frá framljósunum þannig að ljósin lýsi upp veginn fyrir framan, en blindi ekki ökutækin á undan eða á móti. Tveggja þrepa stillanlegt háljósakerfi er enn þróaðri útgáfa af stillanlega háljósakerfinu og gerir kleift að stjórna ljóskeilunni af enn meiri nákvæmni.