UX 250h

Með Lexus UX færðu framsækinn lúxus og ítrasta öryggi í einum og sama pakkanum, hannað af djarfleika og með skilvirkari aflrás en nokkru sinni fyrr. Fáguð hönnunin og margslungið snældulaga grillið eiga meðvitað að gefa sterkt og ákveðið yfirbragð. Um leið felur fagurmótuð yfirbyggingin í sér persónuleika sem er bæði fágaður og þróttmikill.

Hægt er að panta Lexus UX með leðuráklæði sem er innblásið af „sashiko“, hefðbundinni japanskri útsaumstækni sem notuð er til að setja bætur á júdó- og kendó-búninga. Ásýndin er afgerandi og endurspeglar einkennandi framgrill lúxussportjeppans en handverksfólk Lexus saumar úthugsaðar línur sem passa við gatamynstrið og loftræstinguna í sætunum. Útkoman er fáguð blanda listar og notagildis.

Þó að djörf hönnun UX fari ekki framhjá neinum er hann með öruggustu bílum sinnar tegundar, bæði fyrir ökumann og farþega (96% farþegavörn fullorðinna og 85% farþegavörn barna), en hann hefur hlotið eina hæstu öryggiseinkunn sem gefin hefur verið. Lexus UX er búinn nýjustu útgáfu Lexus Safety System + og státar einnig af framúrskarandi árekstraröryggi. Það má þakka sérlega sterku heildrænu byggingarlagi C-grindarinnar og 8 loftpúðum sem eru staðalbúnaður.

Sæktu nýjustu útgáfuna af hugbúnaðinum í bílnum, tengdu hann við snjallsímann þinn og nýttu þér eiginleika sem gera bæði aksturinn og leiðsögnina þægilegri.