RX

RX-bíllinn ber merki nýjustu hönnunareinkenna Lexus, með fágaðri útgáfu af sígildu grillinu, rennilegri þreföldum LED-aðalljósum og L-laga LED-ljósum að aftan. Einstakar svartar og krómaðar dyrastoðir sem gefa þakinu „svífandi“ yfirbragð blasa við þegar horft er á bílinn frá hlið.

Einstök áhersla okkar rómaða handverksfólks á smáatriði er sýnileg um leið og litið er á RX-bílinn, með hárnákvæmum leðursaumum og „Takumi“-efni sem ljær farþegarýminu andrúmsloft nútímalegrar fágunar.

Framsækna sjálfhlaðandi hybrid-vélin í RX 450h stendur fyrir sínu og upplifunin er  einstaklega ánægjulegur akstur, hvert sem ferðinni er heitið.

Inni í RX-bílnum er að finna stóran 12,3" snertiskjá fyrir margmiðlunarefni sem er einfalt að stjórna og býður upp á hnökralausan aðgang að ýmsum snjallsímaforritum í gegnum Apple CarPlay og Android Auto.

Lexus Safety System + er byltingarkennt öryggiskerfi sem felur í sér árekstrarviðvörunarkerfi með greiningu gangandi vegfarenda í myrkri og greiningu hjólreiðafólks í dagsbirtu; akreinarakningu sem heldur þér á beinu brautinni; sjálfvirkt BladeScan™-háljósakerfi (AHS) sem auðveldar ökumönnum að greina gangandi vegfarendur og umferðarskilti í meiri fjarlægð í myrkri; umferðarskiltaaðstoð sem greinir umferðarskilti og birtir upplýsingar um þau á snertiskjánum, og auk þess ratsjárhraðastilli.

Svart, svart/hvítt og eldrautt leðuráklæði á sætum ljær F SPORT-gerðum RX djarflegt yfirbragð. Vönduð sætin eru með svampsamlögun sem veitir aukinn hliðarstuðning og álinnfellingar fullkomna fagurlega mótað stýrið sem sækir innblástur í stýri LFA-ofurbílsins okkar. Gírstöng F SPORT er klædd götuðu leðri í stíl við stýrið og fullkomnar sportlegt yfirbragð farþegarýmisins, ásamt álsportfótstigunum.