LEXUS LBX HLÝTUR 5 STJÖRNUR Í ÁREKSTRARPRÓFUNUM EURO NCAP
Lexus LBX hefur fengið fimm stjörnu öryggiseinkunn hjá óháða öryggisprófanafyrirtækinu Euro NCAP.
Strangar öryggisprófanir Euro NCAP meta ekki eingöngu öryggi ökumanns og farþega heldur einnig annarra vegfarenda, sem og tækni til að komast hjá árekstri. Fimm stjörnu einkunn, sem er hæsta einkunn, er viðurkenning fyrir „afburðaheildarárangur í árekstraröryggi“ og bíl sem er „vel búinn fyrsta flokks tæknieiginleikum til að forðast árekstur“.
Þessi árangur endurspeglar nálgun Lexus þegar kemur að öryggi, sem er felld inn í alla hönnunarþætti LBX:
- Ökumannsrými sem er sniðið að þörfum ökumannsins tryggir gott útsýni með stjórnhnappa innan seilingar. Óþarfa truflunum er haldið í lágmarki og gott útsýni er tryggt.
- Farþegar bílsins eru varðir með heildstæðum aksturs- og árekstraröryggisbúnaði. Hann sameinar nýjustu tækni akstursaðstoðarkerfa og áreiðanlega, létta en sterka yfirbyggingu; loftpúða að framan, hliðarloftpúða og hnéloftpúða; og öryggisbeltastrekkjara.
- Aðrir bílar á veginum njóta góðs af framúrskarandi og snjöllum öryggis- og aðstoðarkerfunum sem finna má í öllum Lexus-gerðum. Við köllum þau Lexus Safety System+. Þetta eru meðal annars árekstrarviðvörunarkerfi sem greina gangandi vegfarendur, ökumenn bifhjóla og ökutæki sem nálgast, með neyðarstýrisaðstoð sem aðstoðar ökumanninn við að forðast árekstur. LBX athugar jafnvel hvort hætta sé á ferð þegar bíllinn er kyrrstæður – og lætur ökumann vita af hjólreiðafólki sem nálgast aftan frá.
Lexus LBX fékk 5 stjörnu einkunn með staðalöryggisbúnaði. Aukaöryggisbúnaðarpakkar bjóða upp á enn þróaðri tækni, þar á meðal möguleika á að hægja sjálfkrafa á bílnum og stöðva hann ef búnaðurinn greinir að ökumaðurinn geti það ekki.
LBX fékk 82% einkunn fyrir farþegavörn fyrir fullorðna, 83% fyrir börn, 79% fyrir óvarða vegfarendur og 76% fyrir öryggisaðstoðarkerfi.
Kynntu þér Lexus Safety System+ hér: www.lexus.is/discover-lexus/safety
Kynntu þér meira um Euro NCAP hér: www.euroncap.com/en/car-safety/the-ratings-explained
