Tækninýjungum okkar og rafhlöðum er ætlað að gera rafakstursupplifun þína enn ánægjulegri og skila akstri sem er umfram væntingar þínar.
Við leggjum áherslu á frumkvöðlastarf og fullkomnun í tengslum við akstur á rafmagni og stærum okkur af því af að leiðbeina ökumönnum Lexus við að fullnýta drægni rafhlöðunnar. Kynntu þér þættina sem hafa áhrif á notkun rafhlöðuorkunnar og hvernig á að keyra á sparneytnari hátt.
Of mikil hitun eða kæling í gegnum miðstöð og loftkælingu rafbíls eru tveir stærstu þættirnir í álagi á rafhlöðuna. Í sumum tilvikum geta þessir þættir sogað til sín allt að 30% af hleðslu rafhlöðunnar, sem leiðir til tíðari hleðslulota og minni sparneytni í akstri.
Þegar kalt er í veðri minnkar sparneytni rafbíla þar sem þeir nýta meiri orku til að ná vinnsluhitastigi. Þetta minnkar drægni um 10–20%. Þegar heitt er í veðri aukast sparneytni og drægni að sama skapi, þar sem 20–30 °C er kjörhitastig fyrir hámarksafköst.
Aksturslagið, hvort sem ekið er á þjóðvegi eða innanbæjar, hefur áhrif á orkunotkunina og drægni rafhlöðunnar. Meiri hraði krefst meiri orku til að vinna gegn loftmótstöðunni. Minni hraði gerir rafbílum aftur á móti kleift að endurheimta orku.
Við hönnuðum snjallbúnað til að gera upplifun þína enn betri. Stjórnkerfi rafhlöðunnar vaktar hleðslustöðu og inntak og úttak orku í rafhlöðunum til að fínstilla orkunotkun og hámarka drægni. Þessu til viðbótar hámarka akstursstillingar okkar sparneytni án þess að fórna afköstum.
Með því að sérstilla hitastigið í innanrými bílsins geturðu aukið drægni. Hiti í sæti og stýri notar minni orku en miðstöðvarkerfið. Auk þess skila forhitun og forkæling meðan á hleðslu stendur sparneytnari akstri með því að spara orku rafhlöðunnar fyrir akstur.
Meðvituð stjórn bílsins getur aukið drægni rafhlöðunnar verulega. Hæg og samfelld inngjöf, sérstaklega í mikilli umferð, notar minni orku og leiðir til sparneytnari aksturs. Réttur þrýstingur í hjólbörðum og regluleg loftsíuskipti draga einnig úr álagi á rafhlöðuna.
