Þessi „lúxusfjölnotabíll“ er fjórða gerðin í framtíðarstefnunni í hönnun Lexus og kemur í kjölfar góðs árangurs nýju NX- og RX-bílanna og RZ-rafbílanna. Hér er komið að nýjasta áfanganum í heildarendurnýjun vörulínunnar sem felur í sér nýtt byggingarlag, nýjar aflrásir og framsækna tækni.
NÝR LEXUS LM
Markmið Lexus var að skapa fyrsta flokks innanrými sem væri jafnþægilegt og stofan heima hjá þér, með öllum þægindum sem þarf fyrir vinnustað á hjólum, og gæðum sem standast öllum öðrum bílum á markaðnum snúning. Hér geta farþegarnir notið fullkominnar slökunar og verið þeir sjálfir.
Við þróun LM-hugmyndabílsins lagðist Lexus í rannsóknir meðal framleiðenda einkaflugvéla og hjá sterkefnuðum viðskiptavinum. Niðurstöðurnar staðfestu að viðskiptavinir líta á það sem hæsta stig lúxuss þegar umhverfið veitir þeim fullkomna hvíld, bæði líkamlega og andlega. Þessi eiginleiki fær jafnvel enn meira vægi en að hafa aðgang að framúrskarandi tækni og virkni.
Lexus hefur nýtt sér þessa þekkingu til að hanna bíl þar sem farþegar geta slakað fullkomlega á í sérsniðnum þægindum þar sem allt er auðvelt. Hér er á ferðinni Omotenashi-gestrisni Lexus þar sem fólk upplifir sömu umhyggju og gestir á heimili þínu.
Þróun LM, rétt eins og allra nýrra Lexus-gerða, hefur að öllu leyti verið með mannfólk í forgrunni.
Megináhersla hefur verið lögð á þægindi og vellíðan farþega með farþegarými þar sem finna má einstaka Omotenashi-gestrisni Lexus. Hvert smáatriði er hannað til að láta farþegum líða eins og heima hjá sér með fullkominni umhyggju, hvort sem þeir vilja slappa af eða vinna. Sætin eru hönnuð með fullkomnum stuðningi og þægindum; umhverfi farþegarýmisins er stýrt nákvæmlega með tilliti til hitastigs, loftgæða og lýsingar; og boðið er upp á þægilegan aðgang að tengimöguleikum og afþreyingu, þar á meðal 48 tommu HD-breiðskjá og sérhönnuðu Mark Levinson 3D Surround Reference-hljóðkerfi.
Hraðvirk og einföld stilling ýmissa eiginleika og búnaðar í farþegarýminu með stjórnborði sem er hannað eins og snjallsími. Þetta má nota til að stjórna hljómtækjunum, stillingum hita- og loftstýringar, virkni í sætum, lýsingu í innanrými og gluggatjöldum.
Nýi LM-bíllinn er einnig sá allra fyrsti í heimi sem býður upp á raddstýringu sem svarar skipunum frá farþegum í aftursæti sérstaklega.
Í fjögurra sæta LM-gerðinni er 48 tommu HD-breiðskjár í neðri hluta skilrúmsins í fullkomnum halla til að horfa á. Skoðunarstillingarnar eru þrjár: allur skjárinn, bíómynd og aðskildir vinstri og hægri skjáir með sitthvoru efninu (með sérstökum heyrnartólum fyrir vinstri og hægri skjá).
Notendur geta varpað efni beint úr síma eða spjaldtölvu, eða tengst skjánum um tvö HDMI-tengi. Hægt er að nota kerfið til afþreyingar eða fyrir viðskiptafundi á netinu.
Í sjö sæta gerðinni er 14 tommu margmiðlunarskjár við aftursæti sem hægt er að stjórna óháð skjánum í miðstokknum að framan.
Lexus hefur þróað loftstýringarkerfið sitt fyrir nýja LM-bílinn og aukið við búnað og eiginleika þannig að nú sinnir það fleiri þáttum í umhverfi farþegarýmisins en loftkælingu. Hægt er að líkja þjónustunni sem það veitir við persónulegan „einkaþjón“ sem sér til þess að allt sé í samræmi við þarfir notandans.
Hægt er að sérstilla loftkælinguna, lýsingu í afturhluta farþegarýmisins, gluggatjöldin og sætishallann með einni snertingu og hver og einn farþegi getur valið sínar eigin stillingar.
Með nýja LM-bílnum býður Lexus upp á Omotenashi í hámarki, með sérsniðnum lúxus, þægindum og vellíðan í hverju smáatriði.
Í skilrúminu í miðju fjögurra sæta gerðarinnar er efri hlutinn úr glæru gleri til að farþegar í aftursætum sjái beint út á veginn fram undan. Hægt er að opna hann eða loka, og þegar frekara næðis er óskað er hægt að dekkja glerið með því að ýta á hnapp.
Farþegarýmið er lýst með óbeinni lýsingu í lofti og hliðum og ljóskösturum í loftinu og í fjögurra sæta gerðinni er einnig skuggalýsing við gólfhæð. Hægt er að breyta innanrýminu með fjölbreyttu úrvali litastillinga fyrir stemningslýsingu, þar á meðal 14 litbrigðum í fimm mismunandi þemum: kyrrð, slökun, örvun, athygli og spennu.
Nýjustu eiginleikarnir fela meðal annars í sér aukna virkni fyrir árekstrarviðvörunarkerfið, þar á meðal neyðarstýrisaðstoð, og sjálfvirkan hraðastilli ásamt fyrirbyggjandi akstursaðstoð fyrir öruggari akstur í hægari borgarumferð. Ökumannsskynjari fylgist vel með árvekni ökumannsins og hægir rólega á bílnum þar til hann stöðvast og virkjar eCall-kerfið til að kalla á hjálp ef ekki er brugðist við viðvörunum. Hurðirnar – þar á meðal aftari rennihurðirnar – eru búnar hurðakerfi með rafrænum lás frá Lexus, með aðstoðarkerfi fyrir örugga útgöngu til að vara við umferð sem kemur aftan frá og koma í veg fyrir að dyrnar séu óvart opnaðar, sem gæti valdið slysi.
Þráðlaus tæknibúnaður býður upp á hnökralausar hugbúnaðaruppfærslur til að tryggja að eigendur njóti ávinningsins af nýjustu þróun án þess að þurfa að fara með bílinn á þjónustumiðstöð.
