Þótt fallega handunnið leður sé einn af einkennandi þáttum LBX er vegan-útfærslan, sem er leðurlaus, ekki síðri. Í Comfort-útfærslunni eru ekki einungis sætin heldur einnig stýrið og gírskiptihnúðurinn klædd fyrsta flokks Tahara-áklæði. Þú getur valið leðurlaust innanrými með Tahara-áklæði í svörtu, steingráu eða skógarbrúnu og blöndu af svörtu og dökkgráu áklæði. Staðalútgáfa LBX-bílsins skartar Takumi-saumuðum Tsuyusami-bryddingum með kolagráum innfellingum.

Við notuðum Tazuna-hönnunarhugmyndina okkar til að auka einbeitingu ökumanns í ökumannsrými LBX og bæta útsýnið við aksturinn. Hún dregur nafn sitt af japanska orðinu yfir reiðtygi og miðar að einfaldri og milliliðalausri stjórn. Til að þú sjáir allt skýrt og greinilega, og í fyrsta skipti í bíl frá Lexus, er ökumannsrýmið búið 12,3“ stafrænum mælaskjá.

Umhverfislýsing skapar einstakar japanskar „Omotenashi“ móttökur í bílnum. Lýsingin undirstrikar mismunandi hluta farþegarýmisins og býður upp á 64 litavalkosti (í útfærslunum RELAX og COOL) sem eru flokkaðir í ákveðin þemu til að töfra fram mismunandi stemningu. Litunum er ætlað að skapa hughrif gestrisni og meðal þemanna eru: Slökun, örvun, einbeiting og spenna.

Þessi nýi eiginleiki er með glæsilegu, nýju yfirbragði að framan sem „brýtur upp“ einkennandi snældulaga grillið og gefur því sportlegt útlit. Koichi Suga, framkvæmdastjóri Lexus Design, útskýrir þetta nánar: „Ný og fersk ásýnd að framan, allt öðruvísi en áður en þó svo auðþekkjanleg sem Lexus.“

Sveigð brettin tákna þrótt og undirstrika 18" felgurnar, en stutt skögun og djarfleg þrenging við afturhurðirnar tjáir kraft og afköst. Þar sem ytra byrðið er fyrirferðarmeira en á öðrum Lexus-bílum er LBX stæltur og sterklegur bíll, með svarta stoð að aftan sem undirstrikar kraftmikið útlit bílsins.

Við þróun LBX leituðu hönnuðir Lexus leiða til að undirstrika lága þyngdarmiðju þessa netta SUV-bíls og túlka hana sjónrænt. Hönnuðirnir sóttu m.a. innblástur til hins hefðbundna japanska „Kagami-mochi“ hrísgrjónakökusælgæti sem er hefðbundin nýjársgjöf til guðanna í Japan. Með því að nota hrísgrjónakökur til að formgera hugsanir sínar og tylla nettu ökumannsrými ofan á kraftmikinn undirvagninn virðist þyngdarpunkturinn færast niður á við.

Afturhluti LBX undirstrikar sterka ásýnd bílsins. Til dæmis er LEXUS merkið meira áberandi á breiðum og látlausum afturhleranum. Stílhrein og einkennandi ljósahönnun Lexus, með afgerandi L-lögun, teygir sig yfir allan afturhluta LBX og styður þessa hönnunarhugsun.

Við val á litum á ytra byrði er boðið upp á skæra litatóna, sem og „sonic“-áferð Lexus með djúpum gljáa. EMOTION- og COOL-útfærslurnar fást með tvílitu (Bi-Tone) lakki þar sem hægt er að velja lit til að kallast á við svart þakið.

LBX ELEGANT vekur aðdáun á götunum, með 18” glansandi álfelgum og Takumi-handbragði. Innanrýmið er einstaklega fallegt, með vegan Tahara-áklæði í látlausum skógarbrúnum eða sandgráum litatónum á dyraþiljum, sætum, mælaborði og bólstruðum miðstokknum.

Glansandi áferð yfirbyggingarinnar vekur aðdáun og hljóðið þegar dyrnar lokast þýðlega er sérlega notalegt. LBX RELAX er sérlega glæsilegur og fangar augað hvar sem er. Að innan er hægt að velja um brúnt eða svart hálf-anilínleður með einkennandi Tatami-saumi. Auk þess býður þessi útfærsla upp á stemningslýsingu í 64 mismunandi litum.

Tilfinningar eru sterkasta aflið og nú getur þú tekið LBX-útfærsluna EMOTION í fangið og heillast af eiginleikum eins og 18” vélunnum álfelgum og tvílitu lakkinu. Að innan getur að líta Takumi-saumað áklæði með rauðum andstæðulit á sætum, miðstokki og hurðarklæðningu.

LBX COOL sker sig úr með tvílitu lakki og 18” vélunnum álfelgum. Þú getur valið milli fjölda stílbrigða í innanrými, litatóna og áferða til að tjá þinn einstaka stíl. Veldu leðurbryddað Ultrasuede-áklæði með koparlituðum skreytingum og saumum fyrir þitt innanrými. Sérsniðin lýsing skapar andblæ sem hentar stemningunni hverju sinni og setur svip á Tazuna-ökumannsrýmið.

9,8" snertiskjárinn er frábærlega staðsettur til að ökumaður geti nýtt hann í akstri til að nálgast upplýsingar um atriði svo sem leiðsögn, hljóðkerfi og hita- og loftstýringu. Með Android Auto® eða þráðlausu Apple CarPlay® veitir LBX snurðulausan aðgang að öppum snjallsímans á snertiskjánum. LBX býður einnig upp á hugbúnaðaruppfærslur fyrir margmiðlunar- og öryggiskerfi.

Háþróuð raddaðstoð Lexus byggir á farsælu samstarfi gervigreindar og skýsins. „Hey Lexus“-raddaðstoðin skilur venjulegt talmál og samhengi í setningum eins og: „Ég er svöng/svangur“ eða „Mér er kalt“ og getur greint hvor farþeginn í framsæti er að tala. Þú getur einnig notað raddaðstoð Lexus við aðgerðir eins og að opna glugga.

Sem eigandi LBX nýtur þú góðs af tengimöguleikum Lexus Link+, svo sem leiðsögn í skýi með vega- og umferðarupplýsingum í rauntíma. Auk þessa má nefna handhæga aðstoð, svo sem upplýsingar um nálæg bílastæði og fjarstýringu á hitastigi í ifarþegarýminu til að bæta loftstýringu. Tilteknar útfærslur bjóða einnig upp á stjórn á hita í stýri og sætum hvar sem þú ert.

Tazuna-hugmyndafræðin hefur verið þróuð og gerð enn betri með fyrsta 12,3“ stafræna mælaborði Lexus. Uppsetning mælanna og upplýsingar þeirra breytast í samræmi við valda akstursstillingu hverju sinni og getur ökumaður sérsniðið stillingu. Valfrjálsi sjónlínuskjárinn varpar gögnum um bílinn á framrúðuna, en þannig getur þú skoðað stillingar fyrir leiðsögn, öryggisupplýsingar og hljóðstillingar án þess að líta af veginum.

Til að gera akstursupplifunina einstaka hafa hönnuðir Lexus unnið með „Takumi“-meistara Lexus að því að fínpússa alla snertipunkta. Við hönnun stýrisins var hugað sérstaklega að lögun og þversniði til að gefa framúrskarandi tilfinningu og aukinn stöðugleika í stýrinu.

Um leið og þú opnar bílinn ökumannsmegin birta stjórntæki LBX útlínur bílsins og heilsa þér með nafni. Þegar ýtt er á hemlafótstigið byrjar aflhnappurinn að titra varlega, ökumannsrýmið vaknar til lífsins og birtir myndir og hljóð sem eru samþætt milli allra stjórntækja á meðan sjónlínuskjárinn og 9,8“ snertiskjárinn beina athyglinni að veginum fram undan.

Nú fækkar hlutum til að týna um einn, því öruggur og þægilegur snjalllykill okkar samþættir allar aðgerðir Lexus-snjalllykla við Lexus Link+ appið í snjallsímanum þínum. Með lykilinn í vasanum eða töskunni getur þú opnað/læst og gangsett bílinn og einnig deilt honum um fjartengingu með allt að fimm manns.

Nú er LBX með e-Latch, aflæsingarkerfi sem er innblásið af fáguðu yfirbragði japanskra shoji-hurða og gerir þér kleift að opna bílinn með einni hreyfingu.

Hægt er að loka nýja rafknúna afturhlera LBX sjálfkrafa með rofa neðst á hurðinni. Á mælaborðinu og snjalllyklinum eru einnig stjórntæki sem gera þér kleift að stjórna afturhleranum.

Til að auðvelda akstur við ákveðnar aðstærður sem krefjast betri yfirsýnar býr eiginleikinn fyrir yfirlitsmynd af umhverfi bílsins (ekki í boði í staðalútfærslu LBX) til sýndarþrívíddarmynd af bílnum, séðum ofan frá, til að auka öryggi, til dæmis á þröngum svæðum í bílastæðahúsum.

Umferðarskynjari að aftan (valbúnaður í öllum útfærslum) hjálpar þér að forðast árekstur þegar bakkað er á litlum hraða. Kerfið vaktar svæðið fyrir aftan bílinn og stillir hraðann við akstur aftur á bak og hægir á þér ef kerfið telur hættu á snertingu við annað ökutæki eða hlut.

Háþróuð bílastæðakerfi (í boði í öllum útfærslum) færir þér sjálfvirka stjórn á stýringu, afli og hemlum. Nú er ekkert mál að leggja bílnum. Fjarstýrt bílastæðakerfi (ekki í boði í staðalútfærslu LBX) færir þér enn fleiri möguleika. Kerfið gerir þér kleift að stýra bílnum inn í og út úr þröngum stæðum á meðan þú fylgist með utan frá. Kerfið notar snjallsímann við stýringuna og býður upp á frábæra stjórn til að leggja á einfaldan og öruggan hátt. Kerfið er ekki í boði á öllum mörkuðum, kynntu þér málið hjá söluaðila.

Hönnun farþegarýmis LBX miðar að því að taka vel utan um farþegana. Mjaðmir ökumanns sitja lágt sem eykur á tengingu ökumanns og bíls við veginn og tryggja um leið gott hnérými. Til að tryggja gott útsýni fyrir alla farþega eru aftursætin örlítið hærri en framsætin.

Farþegarými LBX býður upp á fullkominn vettvang fyrir nýja 13 hátalara Mark Levinson® Premium hljóðkerfið (ekki fáanlegt í staðalútgáfu LBX). Kerfið hefur verið sérhannað fyrir innanrými bílsins og skilar einstökum 7,1 rásar heimabíóhljómi sem nýtir nýtt 3D Surround Mark Levinson® Surround System, en Quantum Logic Immersion og ClariFi skila einstökum hljómi með því að greina þjappaðan hljómuppruna og bæta upp fyrir týnd gögn.

9,8” margmiðlunarsnertiskjárinn á miðstokknum hallar aftur á bak og fellur þannig sérlega vel að innviðum bílsins. Stokkurinn er með bólstraða hliðarpúða og tveimur bollahöldum, valfrjálsu þráðlausu hleðslutæki fyrir snjallsíma, fjölda geymsluhólfa, USB-tengi fyrir tengingu og hleðslu tækja og þráðlausu hleðslutæki fyrir snjallsíma. Þökk sé hugvitssamlega hönnuðum aftursætum er LBX einstaklega rúmgóður.

LBX nýtur góðs af nýjustu akstursöryggis- og akstursaðstoðarkerfunum Lexus Safety System +. Meðal nýrra eiginleika má nefna valfrjálsan ökumannsskjá sem fylgist með því hvort ökumenn sýna merki um þreytu eða einbeitingarleysi. Að auki notar fyrirbyggjandi akstursaðstoð myndavélina að framan til að ákvarða beygjuhornið og aðlagar stýriskraftinn þegar nær kemur beygjunni.

Rafræna læsingarkerfið í LBX er tengt við blindsvæðisskynjara bílsins. Aðstoðarkerfi fyrir örugga útgöngu kemur í veg fyrir að farþegar opni dyrnar (að fram og að aftan) ef einhver er á ferð beint fyrir utan bílinn, til dæmis bílar eða hjólreiðafólk sem nálgast aftan frá.

Til að auðvelda akstur í þröngum rýmum getur stafræna yfirlitsmyndin af umhverfi bílsins (ekki í boði í staðalútgáfu LBX) veitt 360° yfirsýn í rauntíma yfir svæði kringum bílinn, ásamt mynd af svæðinu undir bílnum. Þú færð líka þrívíða sýndarmynd af LBX sem sýnir hann úr lofti ásamt leiðbeiningum á skjánum til að aðstoða við akstur í þröngum aðstæðum. Meðal eiginleika eru útsýni til hliðanna, beygjuaðstoð, umferðarskynjari að framan, árekstrarvarnarkerfi og hemill fyrir bílastæðaaðstoð.

Lexus LBX hlýtur 5 stjörnu einkunn, sem er hæsta einkunn, hjá óháða öryggisprófanafyrirtækinu Euro NCAP. Strangar öryggisprófanir Euro NCAP meta ekki eingöngu öryggi ökumanns og farþega heldur einnig annarra vegfarenda, sem og tækni til að komast hjá árekstri. Fimm stjörnu einkunn, sem er hæsta einkunn, er viðurkenning fyrir „afburðaheildarárangur í árekstraröryggi“ og bíl sem er „vel búinn fyrsta flokks tæknieiginleikum til að forðast árekstur“. LBX skarar fram úr vegna öryggis í öllum hönnunarþáttum: Ökumannsrými hannað með ökumanninn sem miðpunktinn veitir fyrsta flokks útsýni í allar áttir. Stíf en létt yfirbygging og víðtækt loftpúðakerfi veita öryggi. Þá veitir tæknin í Lexus Safety System+ hugarró fyrir ökumann, farþega og aðra vegfarendur.