LEXUS KYNNIR NÝJA LFA CONCEPT BEV SPORTBIFREIÐ

• Heimsfrumsýning á Lexus LFA Concept
• Hugmyndabíll sem miðar að því að fanga upplifun og skapa BEV sportbifreið sem fer fram úr væntingum viðskiptavina.
• Deilir kjarnatækni og framtíðarsýn með GR GT og GR GT3 á sama tíma og tekið er á áskoruninni að kanna möguleika BEV sportbifreiða.

Lexus frumsýndi í dag Lexus LFA Concept  – rafknúna (BEV) hugmynda sportbifreið.

Hugmyndin er sprottin af sterkri sannfæringu Akio Toyoda, stjórnarformanns Toyota Motor Corporation (TMC), einnig þekktur sem Master Driver Morizo, um að ákveðnar bílaframleiðsluaðferðir og færni verði að varðveita og miðla til næstu kynslóðar. Lexus LFA Concept er hugmyndarlíkan BEV sportbifreiðar sem er þróað samhliða GR GT og GR GT3 frá Toyota Gazoo Racing. Í fótspor Toyota 2000GT og Lexus LFA endurspeglar Lexus LFA Concept „Toyota’s Shikinen Sengu*“ – varðveislu og miðlun tækni og færni frá reyndum bílaframleiðendum til yngri kynslóðar, og þróar hana áfram.

Með því að sækjast bæði eftir frábærri akstursgetu og stílhreinni hönnun vinnur Lexus sem ein heild að því að skapa BEV sportbifreið sem fer fram úr væntingum viðskiptavina.

Lexus hyggst halda áfram að takast á við framtíðaráskoranir bílaframleiðslu með sífellt fullkomnari rafvæðingartækni og arfleifðri færni.

Næstu kynslóðar BEV sportbifreið sem deilir framtíðarsýn GR GT og GR GT3

Lexus LFA Concept er hugmyndabifreið næstu kynslóðar sportbifreiða sem, ásamt GR GT og GR GT3, endurspeglar „Toyota’s Shikinen Sengu“. Byggt á þremur lykilþáttum – lágum þyngdarpunkti, lítilli þyngd með mikilli stífni og leit að loftaflfræðilegri frammistöðu – deilir það tækni og færni sem notuð er við þróun GR GT og GR GT3, á sama tíma og möguleikar BEV sportbifreiða eru kannaðir.

Með léttri, stífri álgrind og fullkominni akstursstöðu sem eykur tilfinningu ökumanns fyrir bílnum, hefur Lexus – sem leiðandi í rafvæðingu – mótað sportbifreið sem hentar rafvæðingaröldinni, með það að markmiði að veita akstursánægju og sýna möguleika BEV sportbifreiða. Leit að bestu BEV hönnuninni hefur leitt til samruna háþróaðrar akstursgetu, sem á rætur í GR GT og GR GT3, og tímalausrar hönnunar sem heldur gildi sínu langt inn í næstu kynslóð.

„LFA“ er ekki bundið við bíla með brunahreyfla – nafnið táknar módel sem felur í sér tækni sem verkfræðingar ættu að varðveita og miðla til næstu kynslóðar. Frá fortíð til framtíðar – Lexus LFA Concept er vitnisburður um áskorun Lexus að varðveita og miðla áfram gildi sportbifreiða og bílaframleiðslufræðslu, á sama tíma og þessi þekking er þróuð.

Uppgötvaðu dýptina – ný upplifun af því að sökkva sér í aksturinn

Spennan við akstur er óumbreytanlegt gildi sem heldur áfram að styðja við aðdráttarafl sportbifreiða, jafnvel þegar tímarnir breytast. Lexus LFA Concept, sem gerir kleift að njóta þessarar spennu dýpra og hreinna, dregur ökumann inn í heim aksturs og skapar einstaka upplifun sem aldrei hefur sést áður. Þetta er kjarninn í að uppgötva dýptina.

Tilfinningin um að sökkva sér í akstur er sprottin af leit að háu stigi samruna milli loftaflfræðilegrar frammistöðu og skúlptúrlegrar fegurðar. Með áherslu á fullkomna akstursstöðu hefur stjórnklefinn verið fínstilltur niður í smáatriði. Heildarhönnunin – þar sem samræmd virkni og fegurð umbreytir stjórnun í framlengingu meðvitundar ökumanns – dregur ökumann djúpt inn í akstursupplifunina.

Sveigjanleg hönnun og fullkomið jafnvægi stíls – mögulegt vegna þess að gerðin er BEV

Lexus LFA Concept, sem erfir skúlptúrlega fegurð Lexus LFA, sækist eftir fínstilltu jafnvægi stíls sem heldur gildi sínu langt inn í næstu kynslóð. Með álgrind GR GT hefur formið hámarkað frammistöðu sportbifreiðar. Lág, flæðandi hönnun frá nefi til afturhluta erfir fegurð Lexus LFA á sama tíma og hún skilgreinir hlutföll klassísks coupé. Hún sýnir nýja hugsjón sportbifreiða sem hefur alþjóðlegt aðdráttarafl og vekur hrifningu óháð þjóðerni, menningu eða tíma.

Fullkomlega umlykjandi stjórnklefi búinn til með fullkominni akstursstöðu

Með sömu fullkomnu akstursstöðu og GR GT og GR GT3 eykur hinn umlykjandi stjórnklefi tilfinningu ökumanns fyrir bifreiðinni og veitir áður óþekkta akstursánægju.

Allt innra rýmið hefur verið hannað með einfaldleika að leiðarljósi, þar sem fínstilltir virknisþættir eru sér hannaðir í kringum ökumannssætið og vekja tilfinningu fyrir spennu þegar sest er inn. Stýrið hefur verið vandlega hannað fyrir notkun í sportbifreið, og stýringar sem útiloka þörf fyrir að halda um stýrið með annarri hendi, ásamt skipulagi rofa sem gerir blindan snertiaðgang mögulegan, gerir stjórn á bílnum innsæja. Heildarhönnunin – sem sameinar aðdráttarafl vélrænnar hönnunar og einfalt innra rými – skapar einstakt umlykjandi umhverfi.

Lexus LFA Concept

Lexus LFA Concept er hugmyndarlíkan BEV sportbifreiðar, þar sem ytra og innra útlit var fyrst kynnt sem „Lexus Sport Concept“ á Monterey Car Week 2025 og Japan Mobility Show 2025. Nú er það kynnt á ný með hluta af tæknilýsingum og nýju nafni.

Helstu tæknilýsingar Lexus LFA Concept

*Shikinen Sengu: Helgisiður þar sem Shinto-helgidómur er endurbyggður með reglulegu millibili