LEXUS KYNNIR ÁFRAMHALDANDI SAMSTARF VIÐ ATP

• Lexus verður opinber samstarfsaðili og platínusamstarfsaðili á ATP-mótaröðinni til ársins 2028
• Lexus verður opinber samstarfsaðili og platínusamstarfsaðili Nitto ATP Finals, lokamóts mótaraðarinnar sem haldið verður í Tórínó á Ítalíu og Rolex Paris Masters
• Lexus verður aðalbakhjarl ATP Head2Head sem hjálpar til við að byggja upp áhuga aðdáenda á íþróttinni og Lexus-vörumerkinu
• Samtals á Lexus samstarf við 20 ATP- og WTA-mót í Evrópu

Á dögunum tilkynnti Lexus framhald á farsælu samstarfi sínu við ATP næstu þrjú árin þar sem það styður við atvinnumenn í fremstu röð í tennis karla. Frá 2026 til 2028 verður lúxusvörumerkið aftur opinber samstarfsaðili og platínusamstarfsaðili ATP-mótaraðarinnar og byggir þar með á samstarfinu sem fyrst var stofnað til árið 2023.

Drifkraftur Lexus er nýsköpun og ástríða fyrir því að skapa eftirminnilegar upplifanir og þannig færir það tennisheiminum einstaka sýn sína – þar sem tilfinningar, glæsileiki og frammistaða spila fullkomlega saman. Þetta samstarf endurspeglar þau gildi sem skipta viðskiptavini okkar mestu máli: fágaða frammistöðu, persónulegt val og skuldbindingu um afburðagæði – bæði í umferðinni og á vellinum.

Andre Schmidt, forstjóri Lexus í Evrópu, sagði: „Samvinna Lexus við ATP-mótaröðina endurspeglar sameiginlega skuldbindingu okkar um afburðagæði, nákvæmni og ástríðu – gildi sem eiga vel við vörumerkið okkar. Í gegnum úrval okkar af rafdrifnum bílum bjóðum við upp á valkosti sem gera lúxus að persónulegri upplifun í fullkomnu samræmi við þann anda sem einkennir tennis í heimsklassa.“

Eno Polo, forstjóri ATP, sagði: „Lexus er samstarfsaðili sem eykur virði mótaraðarinnar okkar sérlega mikið. Frá upphafi samstarfsins hafa þau sýnt einlæga skuldbindingu gagnvart tennis – bætt upplifun leikmanna okkar og starfsfólks á lykilviðburðum og hjálpað til við að efla sjálfbærnistarf okkar í gegnum ATP Serves. Þessi skuldbinding til að leggja sitt af mörkum veldur því að þetta samstarf sker sig úr. Við erum stolt af að halda áfram að byggja á þessum grundvelli.“ 

Lexus-vörumerkið nýtur samstarfsins við heim tenniskeppni í fremstu röð og leggur áherslu á framúrskarandi frammistöðu og árangur sem grundvallast á áherslu á smáatriði og stöðugar framfarir. 

Lexus staðfestir einnig að það verði opinber samstarfsaðili og platínusamstarfsaðili Nitto ATP Finals, sem er hápunktur tímabilsins þar sem átta stigahæstu leikmenn heims í einliða- og tvíliðaleik karla etja kappi.

Lexus gegnir lykilhlutverki á Rolex Paris Masters sem opinber bíll mótsins, sem styrkir nærveru vörumerkisins í ATP-mótaröðinni og skuldbindingu þess til að styðja tennisviðburði í heimsklassa. 

Lexus byggir áfram upp áhuga tennisáhugafólks og aðdáenda vörumerkisins sem aðalbakhjarl ATP Head2Head, þáttaraðar þar sem stórstjörnum er stillt upp gegn hver annarri í ýmsum skemmtilegum íþróttakeppnum utan tennisvallarins. 

Lexus býður áfram upp á flota rafknúinna bíla á sérstökum viðburðum til að aðstoða við flutning á leikmönnum, embættismönnum og gestum. Með úrvali sjálfhlaðandi hybrid-bíla, tengiltvinnbíla og rafbíla er forysta vörumerkisins í rafvæðingu í góðum samhljómi við áherslu ATP-mótaraðarinnar á sjálfbærni undir merkjum ATP Serves og átaks Sameinuðu þjóðanna um loftslagsaðgerðir á sviði íþrótta, sem miðar að kolefnishlutleysi fyrir árið 2040.

Samstarfið veitir stuðning frá Lexus á mótum í ATP-mótaröðinni á vel völdum stöðum allt árið 2026, eins og greint er frá hér á eftir. Lexus heldur einnig áfram stuðningi við ýmsa viðburði á vegum WTA og ATP Challenger Tour í gegnum samstarf sitt við LTA.

UM LEXUS

Lexus var stofnað árið 1989 og er alþjóðlegur framleiðandi lúxusbíla sem býður upp á mikið úrval fyrsta flokks bíla í Evrópu, þar á meðal LBX-, UX-, NX-, RZ- og RX-sportjeppana, GX og LX SUV-bílana, ES Sedan-bílinn og LM-lúxusfjölnotabílinn.

Lexus leitast við að „veita munað á persónulegum nótum“ með hugmyndaríkri tækni, vönduðu handverki, fáguðu útliti og „omotenashi“ – japönsku hefðinni um úrvals gestrisni.

Með rúmlega 3,5 milljónum sjálfhlaðandi hybrid-bíla, tengiltvinnbíla og rafbíla sem seldir hafa verið hingað til um allan heim er framtíðarsýn Lexus Electrified byggð á reynslu vörumerkisins af rafknúnum ökutækjum og miðar að verulegu forskoti í afköstum, aksturseiginleikum, stjórn og akstursánægju í gegnum rafbílatækni.

Árið 2024 afhenti Lexus fleiri en 850.000 bíla um allan heim, þar af 88.184 í Evrópu, sem er nýtt met, og þar af voru yfir 90% bílanna rafknúin.

UM ATP

Hlutverk ATP er að þjóna tennisíþróttinni og hafa alþjóðlega yfirumsjón með atvinnumennsku karla í tennis. Við sinnum milljarði aðdáenda um allan heim, kynnum bestu leikmenn heims á virtustu mótunum og veitum næstu kynslóð aðdáenda og leikmanna innblástur. Allt frá United Cup í Ástralíu og yfir til Evrópu, Ameríku og Asíu berjast stjörnurnar í íþróttinni um titla og PIF ATP-stig á ATP Masters 1000-, 500- og 250-viðburðum auk Grand Slams. Allir vegir liggja til Nitto ATP Finals, hins virta lokamóts mótaraðarinnar sem haldið er í Tórínó á Ítalíu. 

Á mótinu keppa aðeins 8 efstu leikmenn heims í einliðaleik og tvíliðaleik og í lok þess fer einnig fram opinber krýning á ATP-keppanda númer 1 í heiminum, sem kynntur er af PIF, og er mesta afrekið sem hægt er að ná í tennis. Frekari upplýsingar er að finna á www.ATPTour.com.