2018 lexus lda hero

ÞEIR SEM KOMUST Í ÚRSLIT HÖNNUNARVERÐLAUNA LEXUS 2018 TILKYNNTIR

Lexus International hefur tilkynnt þá 12 sem komust í úrslit hönnunarverðlauna Lexus 2018. Nú á sjötta starfsári þessarar framúrskarandi hönnunarkeppni er ungum hönnuðum boðið að leggja fram hugmyndir byggðar á þema þessa árs, „CO-“, sem dregið er af latnesku forskeyti sem merkir „með“, „saman“ eða „í samhljómi“. Með „CO-“ eru kannaðir möguleikar hönnunar til að leita lausna á og yfirstíga hindranir sem leiða af margvíslegum áskorunum á alþjóðlegum vettvangi með samhljómi og samþættingu náttúru og samfélags.
Þátttakendur í hönnunarverðlaunum Lexus hafa aldrei verið fleiri en í ár, með meira en 1300 innsendingum frá 68 löndum. Sir David Adjaye, sem á sæti í dómnefndinni, sagði: „Það hefur verið spennandi að fá innsýn í hvernig næsta kynslóð hönnuða nýtir nýjar hugmyndir og hugsun til að skapa snjallar lausnir á helstu áhyggjuefnum nútímans.“ Þeir sem áður hafa komist í úrslit hönnunarverðlauna Lexus og sigurvegarar þeirra hafa margir notið frekari velgengni í kjölfarið. Þar má til dæmis nefna „Iris“ eftir Sebastian Scherer frá árinu 2014 sem hlaut þýsku hönnunarverðlaunin árið 2016 og „Sense-Wear“ eftir Caravan frá árinu 2015 sem sigraði samkeppni um smátækjatækni á hönnunarvikunni í Feneyjum 2016.
Tólf þátttakendur voru valdir í úrslit eftir töluverða yfirlegu dómnefndar, sem í ár hlaut veigamikinn liðsstyrk arkitektanna Davids Adjaye og Shigeru Ban sem getið hafa sér gott orð um allan heim. Fjórir af þeim tólf sem komust í úrslit, tilgreindir hér að neðan, voru valdir til að búa til frumgerð af hönnun sinni undir leiðsögn einvalaliðs leiðbeinenda úr hönnunargeiranum: Lindsey Adelman, Jessica Walsh, Sou Fujimoto og Formafantasma.
Frumgerðirnar fjórar, ásamt nákvæmri kynningu á hönnun hinna átta sem komust í úrslit, verða sýndar sem hluti af hönnunarviðburði Lexus á hönnunarvikunni í Mílanó* í apríl á þessu ári. Þátttakendurnir tólf sem komast í úrslit kynna verk sín fyrir dómnefndinni og alþjóðlegum fjölmiðlum. Eftir kynninguna verður sigurvegarinn valinn.
Frekari upplýsingar og myndir má finna á:
Vefsvæði hönnunarverðlauna Lexus: https://www.lexus-int.com/lexus-design-award
Instagram: @lexusdesignaward
Opinber myllumerki: #LexusDesignAward; #MilanDesignWeek;

Frekari upplýsingar um sýningarsvæði Lexus á hönnunarvikunni í Mílanó 2018* verða birtar um miðjan febrúar á vefsvæði hönnunarviðburðar Lexus.

*Stærsta hönnunarsýning heims, einnig þekkt undir heitinu Salone Del Mobile, heldur viðburði og sýningar á vegum vörumerkja og hönnuða í ýmsum flokkum, þar með talið á sviði húsgagnahönnunar, tísku og textílefna.