Lexus International hefur tilkynnt þá 12 sem komust í úrslit hönnunarverðlauna Lexus 2018. Nú á sjötta starfsári þessarar framúrskarandi hönnunarkeppni er ungum hönnuðum boðið að leggja fram hugmyndir byggðar á þema þessa árs, „CO-“, sem dregið er af latnesku forskeyti sem merkir „með“, „saman“ eða „í samhljómi“.

Lexus er ánægja að tilkynna liðsauka hins framsækna arkitekts Sir Davids Adjaye sem er nýjasti dómarinn fyrir hönnunarverðlaun Lexus 2018. Adjaye, sem er einn áhrifamesti arkitekt sinnar kynslóðar, gengur nú til liðs við dómnefnd sem þegar er þéttskipuð leiðandi sérfræðingum.

Aðeins tólf komast í úrslit af þeim þúsundum sem tóku þátt. Átta þeirra munu kynna hugmyndir sýnar á hönnunarvikunni í Mílanó en hinir fjórir fá það einstaka tækifæri að vinna undir handleiðslu heimsfrægra hönnuða. Ráðgjafarnir munu aðstoða þá sem komast í úrslit við að vinna frumgerð út frá hugmyndum sínum.

Lexus hefur sérvalið virta sérfræðinga á sviði hönnunar til að leiðbeina og vinna með fjórum þátttakendum sem komast í úrslit. Um nokkurra mánaða skeið munu Lexus-ráðgjafarnir veita ómetanlega innsýn, hagnýt ráð og leiðsögn við þróun frumgerða út frá hugmyndunum.