LY680-LÚXUSSNEKKJA LEXUS

• Opna brúin og sundlaugardekkið hafa verið stækkuð til að bjóða upp á meira rými fyrir afþreyingu og afslöppun. 
• Framleiðslan verður í höndum Horizon Group, sem hefur getið sér gott orð fyrir framúrskarandi tækni sem þróuð hefur verið við smíði ofursnekkja. 

LY650-lúxussnekkjan frá Lexus endurfæðist nú í nýrri kynslóð með spennandi endurbótum undir heitinu LY680. Frá og með 21. mars 2024 verður byrjað að taka við pöntunum í Japan á söluskrifstofum Toyota Marine og hjá öðrum sérvöldum söluaðilum*_¹.

Markmið Lexus er að vera lúxusvörumerki og flaggskip þess, lúxussnekkjan, er útfærð samkvæmt Crafted-hönnunarstefnu Lexus. LY680 einkennist af þessari stefnu með sérstakri áherslu á hvert einasta smáatriði í þeim tilgangi að fara fram úr væntingum viðskiptavina og skapa einstaka upplifun sem örvar skynfæri þeirra, jafnt við festar sem úti á opnu hafi.

Hugmyndin að baki lúxussnekkjunnar er að hún sé „griðastaður úti á opnu hafi þar sem viðskiptavinir geta upplifað frelsi og afslöppun“. Ytra byrði einkennist af L-finesse hönnunarstefnu Lexus og innanrýmið er fullkomlega frágengið, allt niður í minnstu smáatriði, til að tryggja þægilegan íverustað. Þegar kemur að afköstum stefnir Lexus að hrífandi siglingahæfni, stöðugri stjórn, þægilegri siglingu og hljóðlátri vinnslu.

Framleiðslan var í höndum Horizon Group, sem hefur getið sér orð fyrir framúrskarandi tæknilausnir sem þróaðar hafa verið við smíði ofursnekkja. Með því að sameina framleiðslugetu Horizon Group og snekkjuframleiðslulausnir á grunni TPS*² hafa styrkleikar beggja vörumerkja verið samþættir til að ná enn frekari endurbótum.

Líkan af LY680 í hlutföllunum 1/20 var til sýnis á alþjóðlegu bátasýningunni í Japan 2024, sem haldin var í Pacifico Yokohama 21. til 24. mars 2024.

*¹ Afhending er áætluð vorið 2026. Sala á öðrum markaðssvæðum verður skoðuð síðar meir á grunni eftirspurnar.

*² Framleiðslukerfi Toyota

STÆRRI OPIN BRÚ OG SUNDLAUGARDEKK BJÓÐA UPP Á MEIRA RÝMI FYRIR AFÞREYINGU OG AFSLÖPPUN

Opna brúin hefur verið lengd um 1400 mm og er búin rúmgóðum sófa og grilli*³, sem gerir gestum kleift að slaka á og njóta ferskrar hafgolunnar. Auk þess hefur sundlaugardekkið verið lengt um 700 mm, sem býður upp á fjölbreytta vatnaleiki, þ.m.t. notkun lítilla báta.

FRAMLEIÐSLA ER Í HÖNDUM HORIZON GROUP

Horizon Group, sem sér um smíði LY680, er fyrirtæki í fremstu röð í smíði lúxussnekkja í Asíu og sérhæfir sig í smíði sérhannaðra snekkja með háþróaðri tækni og framúrskarandi framleiðsluaðferðum. Rennilegur stíll í anda L-finesse hönnunarstefnu Lexus og framleiðslugetu Horizon Group, sem þróuð hefur verið við smíði ofursnekkja, sameinast í einstakri snekkju.