HEIMSFRUMSÝNING Á LEXUS RZ 450e

Frábær afkastageta RZ næst meðal annars með staðsetning rafhlöðu og mótors sem tryggir bestu mögulegu þyngdardreifingu og viðbragð. Hugmyndafræðin kallast „The Natural“ og er byggð á DIRECT4-aldrifskerfi sem stjórnar akstursátaki að framan og aftan í samræmi við aksturslag og ástand vegar. Kerfið býður upp á aksturseiginleika þar sem bíllinn bregst tafarlaust við skipunum ökumanns og færir þannig hinn einstaka Lexus akstur á næsta stig.

Fyrsta aldrifskerfi Lexus (DIRECT4-aldrifskerfið) og nýr, aflmikill eAxle-mótor stjórna akstursátaki hjólanna fjögurra af mikilli nákvæmi. Kerfið vinnur út frá snertingu bílsins við jörðu óháð undirlagi og akstursskilyrðum til að skila spennandi akstursupplifun á grunni stjórnskipana frá ökumanni.  Mikilvægar upplýsingar á borð við hraða í beygju og beygjuhorn eru nýttar til að fínstilla dreifingu akstursátaks og tryggja framúrskarandi stöðugleika.

Hugmyndin á bak við hönnunina leggur áherslu á hnökralausa hröðun og tog sem er aðeins að finna í rafbílum. Þegar bensínvélin er ekki lengur til staðar breytast kröfur um hlutverk framhlutans. Þetta veitti Lexus innblástur til að skapa nýtt einkennandi útlit með „snældulaga“ yfirbyggingu. Innanrýmið er lýsandi fyrir kraftmikinn rafbílinn, snyrtilegt og lipurt. Rýmið ber með sér yfirbragð fágunar og vandvirkni, jafnvel þótt áhersla sé á notagildi þess.

Farþegarými RZ einkennist af Omotenashi hugmyndafræðinni – mínímalískt en þó rúmgott lúxusrými. Línur sem flæða frá vélarhlífinni að hurðunum falla inn í lágt mælaborðið og einföld hurðarklæðning og stokkur skapa snyrtilegt og rúmgott yfirbragð. Með hreinu, nútímalegu rými og einföldum flötum með áherslu á áferð fæst notalegt og opið andrúmsloft. Mikið hjólhaf tryggir gott pláss í aftursætum og ríflegt höfuðrými fyrir farþegana gerir að verkum að rýmið virðist enn meira. Hægt er að fá bílinn með glerþaki sem gefur enn betri tilfinningu fyrir miklu rými.

Í boði eru sex litir að utan sem kallast á við lipra aksturseiginleika rafbílanna, Koparlitaður er nýjasti sanseraði liturinn frá Lexus. Hægt er að fá tvílita útfærslu þar sem svartur litur rennur frá framhluta snældulaga yfirbyggingarinnar að efri hluta vélarhlífar og upp á þakið. Útlitið einkennist af nútímalegu yfirbragði sem leggur áherslu á snældulaga yfirbyggingu RZ.

Miðjuskjárinn er með stóran snertiskjá og margar aðgerðir eru felldar inn í rofana á skjánum. Stærð, lögun, röðun og upplýsingar á rofunum eru úthugsuð til að gera notkun þeirra einfalda, auk þess sem tillit var tekið til tíðni notkunar fyrir hverja aðgerð.

Bíllinn er búinn öflugum rafhlöðum og hálfleiðaraeiningum úr kísilkarbíði í áriðli, auk þess sem hann er búinn tækni sem vinnur gegn rafmagnstapi. Þetta skilar sér í 400 km áætluðu drægi. Hröð hleðsla uppfyllir þarfir viðskiptavina um allan heim. Með upphitunarkerfi RZ fyrir rafhlöður tekur stuttan tíma að hlaða rafhlöðurnar, jafnvel að vetrarlagi og þar sem kaldara er í veðri. Með endurbættri rafhlöðutækni fæst framúrskarandi rafhlöðuending (90% hleðslugeta eða meira eftir 10 ár) sem gerir viðskiptavinum kleift að aka af öryggi í langan tíma.