TÆKNILAUSNIR
LEXUS ÖRYGGI
Við setjum öryggi þitt í forgang. Lexus Safety System + markar upphaf nýrrar aldar í forvörnum gegn slysum og er ætlað að forða þér, farþegum þínum og farþegum annarra ökutækja, sem og gangandi vegfarendum, frá hættu. Lexus Safety System + eykur akstursfærni þína, skerpir öll skilningarvitin og eflir sjálfstraustið á vegum úti.
UNDIRSTAÐA ÖRYGGIS
Allir vegir geta orðið ófyrirsjáanlegir, jafnvel færustu ökumönnum. Kynntu þér akstursöryggi og lærðu að nýta þér snjalllausnir sem við höfum sérhannað til að bregðast við algengustu orsökum slysa og tryggja öryggi þitt við allar hugsanlegar akstursaðstæður.
LEXUS SAFETY SYSTEM +
Lexus Safety System + er nýjasti áfanginn á leið okkar að öruggum akstri. Kerfið er afrakstur áratuga þróunar og hönnunar og að baki því liggja víðtækar rannsóknir á helstu orsökum slysa. Lexus Safety System + byggir á þremur lykilþáttum í forvörnum gegn slysum, árekstri að framanverðu, akstri út af akrein af vangá og slysum að kvöldi til, og notast er við fimm hugvitssamleg kerfi.
-
Árekstrarviðvörunarkerfi með greiningu gangandi vegfarenda (PCS)
PCS-árekstrarviðvörunarkerfið greinir önnur ökutæki og gangandi vegfarendur framundan og varar ökumann við ef mikil hætta þykir á árekstri svo hann geti forðast hættuna. Ef ökumaðurinn nær ekki að bregðast tímanlega við beitir kerfið hemlum og stýriseftirliti til að draga úr áhrifum höggsins.
-
LDA-akreinaskynjari með akreinastýringu
LDA-kerfið hjálpar þér að halda bílnum á réttu akreininni með því að titra svolítið þegar bíllinn byrjar að rása og senda svo lágar hljóð- og ljósaviðvaranir til að koma þér blíðlega aftur á réttu brautina.
-
LDA-akreinaskynjari með akreinarakningu
Til að tryggja enn þýðari akstur á hraðbrautum, en líka í þyngri umferð og umferðarteppu, skaltu kveikja á ratsjárhraðastillinum og þá sér LDA-akreinaskynjarinn um að halda þér á miðri akreininni og að bíllinn rási sem allra minnst, jafnvel í beygjum.
-
Sjálfvirkt háljósakerfi (AHB)
Sjálfvirka háljósakerfið er með sjálfvirkum skynjurum sem slökkva á háu ljósunum þegar annað ökutæki nálgast. Þetta gerir þér kleift að slaka á við akstur í myrkri án þess að blinda aðra ökumenn.
-
Ratsjárhraðastillir (DRCC)
Ratsjárhraðastillirinn gerir þér kleift að aka af stillingu á jöfnum hraða en halda um leið öruggri fjarlægð frá bílnum fyrir framan. Ef bíllinn þinn virðist ætla hættulega nærri þeim næsta hægir kerfið á þér til að forðast árekstur.
-
Umferðarskiltaaðstoð (RSA)
Umferðaskiltaaðstoðin les á öll umferðarskilti og sendir skilaboðin beint á upplýsingaskjáinn í bílnum. Þannig er tryggt að þú hefur aðgang að mikilvægum vegaupplýsingum á ferð.
ÖRYGGISEIGINLEIKAR MEÐ AKSTURSAÐSTOÐ
Fær ökumaður þarf ævinlega að vera fullkomlega meðvitaður um umhverfi sitt, hvort sem verið er að leggja í halla eða undirbúa akreinaskipti. Lexus hefur þessa meginreglu að leiðarljósi og leitast við að skerpa skilningarvitin með hugvitssamlegum eiginleikum sem hámarka lipurð þína í akstri.
-
Blindsvæðisskynjari
Nú þarf ekki lengur að takmarka útsýnið við sjónsvið ökumannsins. Blindsvæðisskynjarinn lætur ökumenn vita af öllum hindrunum sem eru hugsanlega ekki sýnilegar í baksýnisspeglum svo þeir hafi fulla yfirsýn yfir rýmið umhverfis bílinn og geti stýrt honum af fyllsta öryggi.
-
Háþróuð bílastæðaaðstoð
Skelltu þér í hvaða stæði sem er, af öryggi og festu. Bílastæðaaðstoðin okkar ver bílinn þinn með því að skerpa skynjun þína á nánasta umhverfi, vara þig við hindrunum í rauntíma og auka hemlunarviðbragðið ef þess gerist þörf.
-
Stillanlegt og tveggja þrepa stillanlegt háljósakerfi (AHS)
Stillanlega háljósakerfið er viðbót við sjálfvirka háljósakerfið og notar myndavél sem staðsett er ofan á ökutækinu til að greina önnur ökutæki framundan og hámarka sjálfkrafa ljósdreifingu frá framljósunum þannig að ljósin lýsi upp veginn fyrir framan, en blindi ekki ökutækin á undan eða á móti. Tveggja þrepa stillanlegt háljósakerfi er enn þróaðri útgáfa af stillanlega háljósakerfinu og gerir kleift að stjórna ljóskeilunni af enn meiri nákvæmni.
LEXUS SAFETY SYSTEM +A
Aldrei hefur verið stigið stærra skref í átt að nýjum heimi þar sem umferðarslys heyra sögunni til. Lexus Safety System +A er aðeins í boði fyrir Lexus LS og býður óviðjafnanlega akstursaðstoð. Hér er byggt á grunnstoðunum fimm í Lexus Safety System + og þetta háþróaðasta öryggiskerfi heims nýtir sér nýja og byltingarkennda tækni til að auka enn ánægjuna við aksturinn og draga úr hættunum sem fylgja.
-
Árekstarviðvörunarkerfi með greiningu á gangandi vegfarendum, virk stýrisaðstoð og árekstraröryggiskerfi fyrir bæði framhlið og hliðar bílsins
Árekstarviðvörunarkerfi LEXUS LS hefur verið endurbætt með glænýrri tækni til að koma í veg fyrir árekstur, þar á meðal viðvörun um gangandi vegfarendur, virkri stýrisaðstoð og árekstraröryggiskerfi á framhliðum.
-
Lexus CoDrive
Lexus CoDrive er kerfi sem styður við persónulegt aksturslag þitt. Kerfið er með ratsjárhraðastilli, umferðarskiltaaðstoð og umferðarskynjara að framan, en í LEXUS LS er líka aðstoð við akreinarakningu sem sér um að halda þér á réttri akrein á hvaða vegi sem er.
-
Tvegga þrepa stillanlegt háljósakerfi
Tvegga þrepa stillanlegt háljósakerfi felur í sér enn frekar þróun stillanlega háljósakerfisins og gerir kleift að stýra ljóskeilunni enn betur. Kerfið er með tvær raðir tuttugu og fjögurra LED-ljósa sem hreyfast hvert fyrir sig og gefur færi á að deyfa ljósið utan um ökutækið að framan en lýsa áfram á hluti eins og vegaskilti fyrir framan bílinn.
-
Umferðarskynjari að framan
Nálgastu öll gatnamót af öryggi. Þegar komið er að krossgötum metur umferðarskynjari á framhlið umferðarflæðið og gerir þér viðvart um þau ökutæki sem kunna að vera á leið í veg fyrir bílinn.
LEXUS-LÍNAN
Öryggisbúnaður er grundvallaratriði í allri Lexus-línunni. Hver gerð er búin nákvæmri samsetningu öryggisviðbóta sem styður við aksturseiginleika og einkenni bílsins. Kynntu þér öryggisbúnað hverrar gerðar til að finna bílinn sem hentar þínu aksturslagi best.
-
ÖRYGGISBÚNAÐUR Í ES
Árekstraröryggiskerfi með greiningu gangandi vegfarenda* LDA-akreinaskynjari með stýrisaðstoð Aðstoð við akreinarakningu Sveigjuviðvörun ökutækis Stillanlegt háljósakerfi / tveggja þrepa stillanlegt háljósakerfi Ratsjárhraðastillir fyrir allar hraðastillingar, með umferðarskiltaaðstoð Umferðarskiltaaðstoð Blindsvæðisskynjari Viðvörun í bílastæðaaðstoð (PKSA) Hemill við bílastæðaaðstoð (PKSB)
ÖRYGGISBÚNAÐUR Í LS
Árekstaröryggiskerfi með viðvörun um gangandi vegfarendur, virka stýrisaðstoð og árekstraröryggiskerfi fyrir bæði framhlið og hliðar bílsins LDA-akreinaskynjari með stýrisaðstoð Aðstoð við akreinarakningu Sveigjuviðvörun ökutækis Tveggja þrepa stillanlegt háljósakerfi Ratsjárhraðastillir með umferðarskiltaaðstoð Blindsvæðisskynjari Umferðarskynjari að framan Viðvörun í bílastæðaaðstoð (PKSA) Hemill við bílastæðaaðstoð (PKSB)
ÖRYGGISBÚNAÐUR Í UX
Árekstraröryggiskerfi með greiningu gangandi vegfarenda* LDA-akreinaskynjari með stýrisaðstoð Aðstoð við akreinarakningu Sveigjuviðvörun ökutækis Sjálfvirkt háljósakerfi / stillanlegt háljósakerfi Ratsjárhraðastillir fyrir allar hraðastillingar, með umferðarskiltaaðstoð Umferðarskiltaaðstoð Blindsvæðisskynjari Viðvörun í bílastæðaaðstoð (PKSA) Hemill við bílastæðaaðstoð (PKSB)* *Án greiningar gangandi vegfarenda -
* Athugaðu að árekstraröryggiskerfið virkar ef til vill ekki alltaf sem skyldi vegna aðstæðna sem tengjast ástandi vegar, ástandi bifreiðar, veðurskilyrðum, akstri ökumanns eða gangandi eða hjólandi vegfarendum. Ökumaðurinn einn ber ábyrgð á öryggi við akstur. Upplýsingar um framboð á búnaði má fá hjá næsta umboðsaðila. ** Fjarlægð og staða fólks og hindrana kann að vera önnur í raun en á skjánum. Ekki reiða þig eingöngu á skjáinn og við akstur skaltu athuga með eigin augum hvort öllu sé óhætt í grennd við bílinn.
