HÖNNUN

EINKENNANDI ÚTLIT

Hönnun okkar byggir á lögmálinu um framsækni og fágun. Hvað þýðir það? Við færum þér nýjustu hönnun og tækni og leggjum áherslu á ýtrustu nákvæmni í öllu sem við sköpum.

L-FINESSE

Undirstaða þessarar grundvallarreglu eru þrjú lykilgildi sem eru í senn innblástur og ráðandi þættir í öllum fagurfræðilegum ákvörðunum okkar.

  • Heildræn upplifun

    Í samræmi við „Omotenashi“ – gestrisni að hætti Japana – gerum við meira en að uppfylla einfaldlega óskir og þarfir ökumanna. Við sjáum þær fyrir, heildrænt, til þess að geta boðið þér ótrúlega upplifun.

    Snilldarlega einfalt

    Allt sem við búum til verður að vera áferðarfagurt og aðgengilegt. Fjarlægja verður allt sem er óþarflega flókið svo upplifunin af akstrinum verði hrein og ómenguð.

    Heillandi glæsileiki

    Allir bílar okkar grípa augað og vekja eftirtekt. En þeir fanga líka athyglina. Því lengur sem þú horfir á þá, þeim mun meira draga þeir þig til sín. Það er því ekki að undra að hönnuðir okkar tali um „sjónræn ferðalög“.

SNÆLDULAGA GRILL

Snældulaga grillið er áberandi hönnunareinkenni hjá Lexus. Það gefur bílnum djarfan svip sem fer ekki framhjá neinum. Það hefur tekið smávægilegum breytingum í gegnum árin, en einkennandi svipurinn heldur sér í öllum bílum okkar.

L-LAGA FRAMLJÓS

L-laga ljósin falla vel að snældulaga grillinu og gefa bílnum sterkan svip. Á fram- og bakhlið hvers bíls kallast hönnunin á við heiti fyrirtækisins. Tæknibúnaður jafnt sem útlit framljósanna er í stöðugri framþróun.

EINKENNANDI HLIÐARSVIPUR

Sérhver Lexus státar af glæsilegum hliðarsvip. Straumlínulögun hliðanna dregur til muna úr loftmótstöðu og djúpar línur líkja eftir fyrsta stafnum í heiti fyrirtækisins. Hér fara saman hönnun, handverk, afköst og samhæft markmið.

Next steps