2017 lda judges hero

DÓMARAR HÖNNUNARVERÐLAUNA LEXUS 2017

PAOLA ANTONELLI - sýningarstjóri

Antonelli gekk til liðs við Museum of Modern Art árið 1994 og er yfirsýningarstjóri arkitektúr- og hönnunardeildar safnsins og framkvæmdastjóri rannsókna og þróunar hjá MoMA. Hún hefur haldið fyrirlestra hjá TED, Alþjóðaefnahagsráðinu í Davos og á fjölmörgum öðrum alþjóðlegum ráðstefnum. Markmið hennar er að auka þekkingu fólks á hönnun þar til jákvæð áhrif hönnunar á heiminn hafa verið viðurkennd að fullu og nýtt til góðra hluta. Sem stendur vinnur hún að nokkrum sýningum um nútímahönnun og að States of Design, bók um fjölbreytileika hönnunarsviða í dag.

2017 lda judges paola antontelli

ARIC CHEN - sýningarstjóri

Aric Chen er yfirsafnstjóri hönnunar og arkitektúrs hjá M+, nýju safni fyrir sjónmenningu í Vestur-Kowloon-menningarhverfinu í Hong Kong. Áður starfaði hann sem hönnuður á hönnunarvikunni í Peking, sem komið var aftur á fót árið 2011 og 2012. Chen hefur séð um og skipulagt fjölda sýninga og verkefna á söfnum, tvíæringum og öðrum viðburðum um allan heim, ásamt því að skrifa mikið fyrir blöð og tímarit, m.a. New York Times, Monocle, Architectural Record og PIN-UP.

2017 lda judges aric chen

TOYO ITO - arkitekt

Ito útskrifaðist úr arkitektúrdeild Háskólans í Tókýó árið 1965. Helstu verk hans eru m.a.: Sendai Mediatheque, bókasafn Listaháskólans í Tama, Hachioji, Háskólinn í Taívan, Félagsvísindaháskólinn (Taívan), „Minna no Mori“ Gifu Media Cosmos og margt fleira. Verk hans í vinnslu eru: Þjóðleikhúsið í Taichung (Taívan), íþróttavöllurinn á íþróttasvæði Aomori-héraðs og ýmislegt fleira. Meðal verðlauna sem hann hefur hlotið eru verðlaun frá Architectural Institute of Japan, Gullna ljónið á Feneyjatvíæringnum, konungleg gullverðlaun frá The Royal Institute of British Architects og Pritzker-verðlaunin í arkitektúr.

2017 lda judges toyo ito

BIRGIT LOHMANN - aðalritstjóri designboom

Lohmann er fædd í Hamborg og lærði iðnaðarhönnun í Flórens áður en hún flutti til Mílanó þar sem hún hefur búið og unnið síðan 1987. Hún starfaði sem hönnuður og yfirmaður vöruþróunar fyrir fjölda ítalskra arkitekta og yfirhönnuði. Hún hefur einnig unnið sem hönnunarsagnfræðingur fyrir dómsmálaráðuneyti og alþjóðleg uppboðshús. Hún hefur haldið námskeið í iðnaðarhönnun hjá mörgum virtum alþjóðlegum háskólum. Árið 1999 stofnaði hún tímaritið designboom þar sem hún gegnir stöðu aðalritstjóra, yfirmanns menntunaráætlana og sýningarstjóra alþjóðlegra sýninga.

2017 lda judges birgit lohmann

ALICE RAWSTHORN - hönnunargagnrýnandi

Alice Rawsthorn er hönnunargagnrýnandi hjá International New York Times og frieze. Nýjasta bókin hennar, Hello World: Where Design Meets Life, kannar áhrif hönnunar á líf okkar í fortíð, nútíð og framtíð. Hún hefur haldið fyrirlestra um hönnun um allan heim, m.a. hjá TED og á árlegri samkomu Alþjóðaefnahagsráðsins í Davos, Sviss. Alice býr í London og er stjórnarformaður hjá Chisenhale-galleríinu og nútímadanshópnum Michael Clark Dance Company auk þess að sitja í stjórn Whitechapel-gallerísins. Hún var sæmd heiðursorðu breska heimsveldisins (OBE) fyrir framlag sitt til hönnunar og lista.

2017 lda judges alice rawsthorn

YOSHIHIRO SAWA - sýningarstjóri

Yoshihiro Sawa útskrifaðist með BS-gráðu í verkfræði og hönnun frá Kyoto Institute of Technology. Hann hefur gegnt fjölda hönnunartengdra starfa síðan hann gekk til liðs við Toyota Motor Corporation árið 1980, þar á meðal sem yfirmaður áætlunardeildar alþjóðahönnunar. Hann tók við stöðu varaformanns hjá Lexus International í apríl 2016.

2017 lda judges yoshihiro sawa