LS
FLAGGSKIP MEÐAL SEDAN-BÍLA
Ekkert kemst í hálfkvisti við LS-bílinn. Þetta er óviðjafnanleg blanda hönnunar, þæginda og munaðar.
HÉR ER LS-BÍLLINN
Þessi fimmta kynslóð flaggskipsins okkar hjá Lexus er afrakstur fimm ára þróunarferlis sem umbreytir lúxusfólksbílnum í algjörlega nýtt listform. Hönnuðirnir okkar hafa frá upphafi leitast við að hugsa út fyrir viðtekna ramma, en nýjasti LS-bíllinn þenur mörk hefðbundinnar tækni enn meira en áður. Bíllinn hefur verið endurhannaður frá grunni og státar nú af afburðalipurð í stýringu og óviðjafnanlegum afköstum, án þess að gera nokkrar málamiðlanir um þægindi og munað.
-
Innanrými með handbragði Takumi-meistara
Handgerðar dyrabryddingar í origami-stíl, Shimamoku-mynstur úr viði og skrautlistar innblásnir af skornum glermunum eftir Edo Kiriko fara frábærlega við „Takumi“-leðursætin í dásamlega hljóðlátu farþegarými LS-bílsins.
-
Móttökur í sönnum „Omotenashi“-anda
Í anda japanskrar gestrisni tekur nýi LS-bíllinn á móti þér um leið og þú snertir hurðarhúninn með því að hækka sig upp til að auðvelda þér að setjast upp í, en hliðarpúðar í framsætum lækka sjálfkrafa um leið og sest er í sætið.
-
Lexus Safety System+ A
Það þarf enginn að óttast, því nýi 2018 LS-bíllinn er líka búinn nýjustu kynslóð Lexus Safety System + öryggiskerfisins. Meðal háþróaðra tæknilausna kerfisins má nú telja, í fyrsta sinn í heiminum, greiningu gangandi vegfarenda með virkri stýrisaðstoð.
-
Sæti með 28 stillingum og Shiatsu-nuddi
Framsætið, sem er með 28 stillingum, sér um að halda ökumanninum sprækum með Shiatsu-nuddi, en farþegar í aftursætum njóta lífsins á hallandi legubekk með sjö Shiatsu-nuddstillingum og viðbótarhiturum.
-
Mark Levinson® Surround-hljóðkerfi
Hljóðlátt og friðsælt farþegarýmið skapar frábæran hljómgrunn fyrir Mark Levinson®-hljóðkerfið, sem er með Quantum Logic Immersion-tækni og hátölurum í þakinu til að skapa einstaka, þrívíða hljóðupplifun.
-
Bensínvél eða hybrid-tækni
Þú velur um annaðhvort Multi Stage Hybrid-kerfi eða 3,5 lítra V6-bensínvél með tvöfaldri forþjöppu. Þannig mun LS-bíllinn nú, sem fyrr, setja ný viðmið um öflugan, lipran, hljóðlátan og sparneytinn akstur.
KYNNTU ÞÉR LS
Eftirtektarvert útlit LS-bílsins er í fullu samræmi við frábæra aksturseiginleika hans, þar sem ökumaðurinn er í aðalhlutverki. Með nýjum og endurbættum innréttingum og eiginleikum býður þessi lúxusbíll upp á framúrskarandi lipurð ásamt miklum þægindum og fágun.
SKOÐA LITAVAL
Hannaðu þinn LS, kynntu þér litavalið og skoðaðu eiginleika og myndasafn bílsins.
